Shkon në 44 numri i fëmijëve të prekurve me fruth në QSUT. Ky numër ka arritur në vetëm në dy muaj e gjysmë. 44 fëmijët kanë shfaqur komplikacione të rënda nga fruthi.
Mjekët tregojnë se edhe aktualisht fëmijët në gjendje më të rëndë janë të moshës 6 muajshe, të cilët ende nuk kanë kryer vaksinën.
Ata i bëjnë apel prindërve për të mos i nxjerrë fëmijët në ambiente të mbipopulluara pasi fruthi është në qarkullim. Ndërsa nënat duhet të kapin në kohë shenjat e para të sëmundjes.
Fruthi qarkullon në vendin tonë që nga viti 2018. Burimi i përhapjes së virusit të fruthit dyshohet se ka qenë një shtetas i huaj, i cili ka vizituar një të afërm në spital Nënë Tereza pak ditë para Vitit të Ri, të kaluar. Nga personi i infektuar me fruth, virusi mendohet të jetë përhapur tek ata fëmijë të pavaksinuar që janë paraqitur gjatë të njëjtës periudhë në spital me patologji të tjera.
