Kriminaliteti i lartë në Vlorë/ Marku bën për ujë të ftohtë prokurorët

Vlora është një nga zonat me kriminalitet të lartë dhe me më shumë ngjarje të pazbardhura.

Sot, Kryeprokurorja e Përgjithshme e Përkohshme, Arta Marku ndodhet në qytetin Bregdetar për të bërë analizën vajtore të Prokurorisë së këtij qyteti.

Ajo ka kritkuar dhe ka folur me tone të ashpra kundër prokurorëve dhe juristëve. Marku ka thumbuar mediat dhe analistët, që e quajnë prokurorinë të varur nga politika.

“Çfarë mund të pranohet është ngarkesa juaj në punë, por duhet t’a dini se ngarkesa e tillë ka qenë për çdo prokuror në Shqipëri. Rrethet ndryshojnë nga njëri-tjetri, pasi niveli i kriminalitetit është më i lartë në Vlorë, në krahasim me qarqet e tjera.

Ngjarjet kanë qenë më të dhunshme se në rrethet e tjera, dhe në shumicën e rasteve janë të pazbardhura. Keqardhje pasi është vepruar me apati qoftë në veprimet e prokurorisë dhe qoftë në veprimet e policisë. Ju tashmë jeni të pavarur dhe shpejt do të vijë momenti që përgjegjësinë për dështimet do e keni personale.

Është koha që disa pseudo analistë apo pseudo jurist të kuptojnë pavarësinë tuaj. Ajo çfarë kërkoj nga ju është që të punon me përkushtim dhe ndershmëri. Vazhdoni të punoni pa asnjë ndikim. Kërkoj të mos intimidoheni nga askush.”-u shpreh Marku.