Është vënë pas hekurave një ish-drejtues policie. Është arrestuar ish-polici i Vlorës, Renato Avdyli, i cili akuzohet se është i përfshirë në trafikun e drogës.
Ai ishte shpallur në kërkim për kultivim droge dhe pjesëmarrje në grup të strukturuar kriminal.
Përvec, Renato Avdylit pjesë e dosjes hetimore janë edhe 7 persona të tjerë emrat e të cilëve nuk janë bërë të ditur nga Policia.
“Policia ka kapur dhe ndaluar shtetasin e shpallur në kërkim, R.A., 38 vjeç, banues në Vlorë. Ndaj tij Gjykata e Shkallës së Parë për Krimet e Rënda Tiranë, me vendim nr.302, datë 01.10.2016 ka caktuar masën e sigurimit personal ‘Arrest me burg, për veprat penale ‘Kultivimi i bimëve narkotike’, dhe ‘Grup i strukturuar kriminal’. Materialet hetimore iu referuan Prokurorisë së Rrethit Gjyqësor Vlorë”, njoftoi zyrtarisht Policia.
