Distancimi i punonjësve/ Spaho: Rrit kostot për biznesin dhe ul prodhimin

Distancimi midis punonjësve ul prodhimin për biznesin dhe rrit kostot”, kështu është shprehur ekonomisti Mateo Spaho në një lidhje direkte në emisionin Ekopolitikë në RTV Ora.

”Edhe nëse aktivitetet do të hapen, të gjitha janë të lidhura me hallka me njëra tjetrën. Edhe sikur të gjitha hallkat të jenë të hapura, distancimi midis punonjësve e bën të shfrytëzueshëm mesatarisht për 50% prodhimin e biznesit. Duke filluar nga distancat nëpër zyra, në universitete, në shkolla, në fabrika dhe aktivitete prodhuese, e gjitha kjo shkakton një përgjysmim të produktit sepse ka gjysmën e punëtorëve në rastin konkret. Dhe rrit kostot sepse nëse do ta bësh punën me dy turne, do të paguash dyfish energji elektrike, naftë e kështu me rradhë.”, u shpreh Spaho.