Kanë dalë sërish në protestë minatorët. Sipas tyre nuk është bërë transparenca e pensioneve, ndërsa kërkojnë nga Instituti i Sigurimeve Shoqërore të bëjë transparencën e saktë.
Ata kanë akuzuar qeverinë se hesht dhe nuk bën punën e saj.
“Kush janë qytetarët që përfitojnë pension nëntoke? Ajo që ne kërkojmë është të zbërthehen kush janë pensionet false,”-thanë minatorët.
Ndërkohë, më herët ata paralajmëruan se do t’i bashkohen protestës së opozitës së bashkuar nëse nuk plotësohen kërkesat e tyre.
