LIGJET E BIZNESIT
Editorial nga EKO-PULS
Më 19 shtator 2026, agjencia ndërkombëtare prestigjoze “Moody’s” e rriti vlerësimin për ekonominë tonë nga “e qëndrueshme” në “pozitive”. Ky është një sinjal i rëndësishëm për mënyrën se si agjencitë ndërkombëtare të vlerësimit të borxhit të shteteve dhe kompanive (dy të tjerat janë “Standard& Poor’s” dhe “Fitch Ratings”) e shohin ecurinë dhe qëndrueshmërinë e ekonomisë sonë. Agjencia ka pritshmëri që borxhi ynë publik të vijojë të ulet, në raport me prodhimin kombëtar, duke kaluar nga rreth 53 përqind të GDP-së që ishte në fund të vitit 2025, në rreth 50% në vitin 2027.
Për një ekonomi si e vendit tonë, ulja graduale e borxhit ka rëndësi të veçantë, sepse krijon më shumë hapësirë për përballimin e goditjeve të jashtme dhe përmirëson perceptimin e investitorëve të huaj mbi qëndrueshmërinë e financave tona publike. Në përcaktimin e 19 shtatorit 2026, agjencia “Moody’s” parashikon se rritja ekonomike e Shqiperise per kete vit do te jete 3.6 perqind. Ky parashikim eshte pak me i larte se ai i FMN dhe Bankes Boterore ne qershor 2026. Ecuria e mire e turizmit ne dy muajt korrik-gusht 2026 tek ne ndikoi ne vleresimin e Moody’s.
Një prej elementeve më të rëndësishëm të përmendur nga raporti i Moody’s është niveli i rezervave valutore. Rezervat valutore të Shqipërisë kanë arritur në rreth 7.9 miliardë euro në qershor 2026, duke mbuluar dukshëm më shumë se shtatë muaj importe.Kjo përbën një rezervë të rëndësishme sigurie për ekonominë tonë. Në këtë kuptim, rezervat valutore funksionojnë si një amortizator financiar.
Në përcaktimin e 19 shtatorit0, agjencia “Moody’s” vlerëson gjithashtu forcimin e pozicionit të jashtëm të Shqipërisë. Ky është një element i rëndësishëm për një ekonomi të vogël dhe të hapur si e jona. Po pse vlerësimi i Moody’s ka rëndësi për investitorët e huaj? Investitorët ndërkombëtarë shohin një grup treguesish dhe jo vetëm një element të ekonomisë. Një kombinim i borxhit publik në rënie, i rritjes ekonomike, i financave publike më të qëndrueshme, i investimeve të huaja dhe i rezervave të konsiderueshme valutore krijon një perceptim më pozitiv për qëndrueshmërinë e ekonomisë sonë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
