LIGJET E BIZNESIT
Në nisje të vitit të ri shkollor, Kredo.al mbështet SOS Fshatrat e Fëmijëve Shqipëri me çanta shkollore të kompetuara me fletore dhe të gjitha mjetet mësimore të nevojshme.
Më 14 shtator, zilja e parë e vitit të ri shkollor ka rikthyer në bankat e shkollave fillore dhe të gjimnazeve dhjetëra mijëra nxënës në të gjithë vendin. Për shumicën, ajo ditë është emocion, shokë të rigjetur dhe çanta të reja. Për disa të tjerë, ajo është edhe një peshë e heshtur: mungesa e mjeteve bazë me të cilat nis një vit shkollor i barabartë me atë të shokëve.
Pikërisht për këtë arsye, Kredo.al ka vendosur të kontribuojë pranë SOS Fshatrat e Fëmijëve Shqipëri, duke mbështetur fëmijë dhe të rinj në nevojë me çanta shkollore dhe mjete mësimore.
Nisma synon diçka shumë konkrete: që asnjë nxënës të mos e nisë vitin shkollor duke u ndjerë më pak se shokët e klasës. Një fletore, një çantë apo një palë mjete mësimore nuk zgjidhin gjithçka, por ato heqin një pengesë të vogël që shpesh ka pasoja të mëdha — te vetëbesimi, te pjesëmarrja në klasë dhe te dëshira e fëmijës për të vazhduar shkollën.
Për Kredo.al, kjo nismë është pjesë e angazhimit të vazhdueshëm në komunitet dhe jo një veprim i izoluar. Kompania ka theksuar se do të vijojë të mbështesë projekte që kanë ndikim të prekshëm te fëmijët dhe arsimi, si një investim afatgjatë në kapitalin njerëzor të vendit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sepse ndonjëherë, mjafton një kontribut i vogël për të përcjellë një mesazh të madh: askush nuk duhet të mbetet pas në ditën e parë të shkollës.
Rreth Kredo.al
Kredo.al është institucion financiar jobankar i licencuar nga Banka e Shqipërisë që prej vitit 2017, me një rrjet degësh në të gjithë vendin dhe shërbime financimi të shpejtë për individë. Krahas aktivitetit financiar, kompania mbështet nisma sociale në fushën e arsimit dhe të mirëqenies së fëmijëve.
Rreth SOS Fshatrat e Fëmijëve Shqipëri
SOS Fshatrat e Fëmijëve Shqipëri është organizatë jofitimprurëse që ofron kujdes dhe mbështetje për fëmijët pa kujdes prindëror ose në rrezik për ta humbur atë, nëpërmjet programeve të kujdesit familjar dhe forcimit të familjeve.
