LIGJET E BIZNESIT
Qeveria ka hedhur për konsultim publik një projektligj, që parashikon krijimin e një skeme të re për trajtimin financiar të artistëve, pas ndërprerjes së veprimtarisë artistike skenike.
Nëpërmjet kësaj skeme synohet të sigurohet një mbështetje financiare për artistët performues që kanë përmbushur kriteret e përcaktuara në ligj lidhur me moshën, periudhën e performancës skenike dhe periudhën e sigurimit shoqëror, duke krijuar një mekanizëm të posaçëm për periudhën ndërmjet përfundimit të marrëdhënies së punës dhe lindjes së së drejtës për pension.
“Përcaktimi i masës së trajtimit financiar në mënyrë të diferencuar sipas periudhës së përfitimit, duke parashikuar 70 për qind të pagës bruto mujore të përfituar në muajin e fundit të marrëdhënies së punës për pesë vitet e para dhe, pas kësaj periudhe, 50 për qind të pagës neto mujore të referencës për profesionin dhe kategorinë përkatëse”, theksohet në relacionin që shoqëron projektligjin.
Gjithashtu, drafti garanton vazhdimësinë e periudhës së sigurimit gjatë kohës së përfitimit të trajtimit financiar, nëpërmjet përballimit nga Buxheti i Shtetit të kontributeve të sigurimeve shoqërore dhe shëndetësore.
“Në këtë mënyrë, projektligji synon të krijojë një kuadër të posaçëm, të qartë dhe të qëndrueshëm për trajtimin financiar të artistëve performues pas përfundimit të marrëdhënies së punës dhe të veprimtarisë së tyre profesionale skenike, duke harmonizuar nevojën për mbështetje financiare të kësaj kategorie me vazhdimësinë e sigurimit shoqëror, respektimin e garancive procedurale në marrëdhëniet e punës dhe administrimin e përgjegjshëm të fondeve publike”, theksohet në relacion.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por projektligji i lejon artistët që të angazhohen ne institucione publik të artit dhe kulturës, në veprimtari trajnuese, promovuese, artistike, kulturore ose mentorim profesional.
