LIGJET E BIZNESIT
Kryeministri Edi Rama ka folur nga Italia për një integrim gradual të Shqipërisë në Bashkimin Europian, duke nisur me masa konkrete, si përfshirja në tregun e përbashkët apo përfshirjes së universiteteve e dhe elementëve të tjerë të rëndësishëm. Analiza u bë në Forumin e Cernobbios në Itali, ku kreu i qeverisë shqiptare ishte I ftuar në panelin “Agjenda për Europën”, kushtuar rolit të Mesdheut dhe sfidave të reja europiane e globale nga këndvështrimi i Ballkanit Perëndimor . Rama shprehu dyshime se zgjerimi i BE-së do të përparojë shpejt vetëm përmes mekanizmit të vetos.
“Integrimi gradual është mënyra e vetme për të na futur brenda dhe për ta nisur nga pjesa reale: tregu i përbashkët, të qenit pjesë e Europës së universiteteve, shkëmbimeve, të të gjithë elementëve shumë të rëndësishëm, para se të mendojmë për pjesën tjetër. Nuk besoj se 2027-a do të na presë lumturisht me kompetencën tonë të vetos. Nuk besoj se disa kryeqytete do të kenë aftësinë t’i thonë publikut: ‘Do ta marrim Shqipërinë me kompetencën e vetos’. Nuk na duhet kompetenca e vetos për t’u ulur rreth tryezës. Imagjinoni të kesh edhe 7 të marrë të tjerë të ulur rreth asaj tryeze. Do të ishte më mirë për Europën dhe për ne”, u shpreh kryeministri Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
