LIGJET E BIZNESIT
Shqipëria është bërë një vend gjithmonë e më i sigurtë. Të dhënat e fundit të Institutit të Statistikave tregojnë për një rënie të numrit të veprave penale. Sipas INSTAT, në vitin 2024, u evidentuan gjithsej 32.653 vepra penale, duke shënuar një rënie me 3.5%, krahasuar me vitin e kaluar dhe një rënie me 2.5% krahasuar me vitin 2022.
Në setin e veprave penale të analizuara, në 2024, veprat penale si shkelje të rregullave të qarkullimit rrugor zënë peshën më të madhe në totalin e veprave me 16.5%, ndjekur nga veprat penale në fushën e drogës me 8.9%, dhuna në familje 6.6%, vjedhje 6.5% dhe trafikimi i armëve dhe i municionit 4.2%.
Veprat penale sipas qarqeve
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
INSTAT raporton se në vitin 2024, analiza sipas qarqeve e veprave penale të evidentuara nga policia tregon një rënie pothuajse në të gjitha qarqet, krahasuar me vitin 2023. Përjashtim bën qarku i Shkodrës dhe Elbasanit, ku veprat penale janë rritur respektivisht me 28.4% dhe 7.1%. Të dhënat tregojnë se qarku i Tiranës dhe Durrësit zënë peshën më të madhe të veprave penale të evidentuara ndaj totalit, respektivisht me 34.1% dhe 11.9%.
