LIGJET E BIZNESIT
Nga Aurora Sulce
Sezoni turistik është celur zyrtarisht, ndihmuar edhe nga temperaturat e larta. Kjo është shoqëruar me një rritje të numrit të turistëve të huaj që po vizitojnë Shqipërinë.
Të dhënat zyrtare tregojnë se vetëm në pesë muajt e parë kanë hyrë në vendin tonë mbi 3.7 milionë të huaj, ose 8.2% më shumë se e njëjta periudhë e një viti më parë.
Turistët europianë janë edhe vizitorët më të shpeshtë të Shqipërisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rezulton se 70% e totalit të shtetasve të huaj që kanë hyrë në territorin shqiptar këtë vit janë nga Evropa Jugore, pasuar me 12% nga Evropa Perendimore.
Në rast se do të ndalemi tek arsyet pse vijnë në Shqipëri, rezulton se 98% e të huajve që zgjedhin Shqipërinë e bëjnë për arsye personale, ku kryesorja janë pushimet; pasuar nga vizitat për trajtime shëndetësore; qëllime fetare dhe udhëtarë tranzit. Ndërkohë që më pak shtetas të huaj vijnë tek ne për biznes.
Por pavarësisht fluksit në rritje të turistëve të huaj, sektori i turizmit ka probleme, një pjesë edhe të trashëguara në vite.
Shqetësimet kryesore janë: mungesa e fuqisë punëtore; rritja e cmimeve; zhvlerësimi i euros; mungesa e transportit publik dhe problemet me menaxhimin e mbetjeve.
Për ekspertët, ky është një sezon ku oferta turistike e Shqipërisë nuk ka ndryshuar dhe ku turistët që po na vizitojnë janë kryesisht ata me pak para, që marrin shtëpi me qira dhe bëjnë shpenzime në supermarket./A2 CNN
