LIGJET E BIZNESIT
Shqiptarët po përballen me rritje të fortë të çmimeve të mallrave të konsumit. Në qershor inflacioni, treguesi që mat koston e jetesës në vend, kapërceu në 3.2% nga 2.4% që ishte në të njëjtën periudhë të një viti më parë. Inflacioni ka tejkaluar edhe objektivin prej 3% të vendosur nga Banka e Shqipërisë dhe ka shënuar nivelin më të lartë që nga janari 2024.
Rritja e inflacionit është ndikuar kryesisht nga shtrenjtimi i ushqimeve, por edhe karburanteve, që është reflektuar tek transporti.
Ndikimi i grupeve kryesore në inflacion
Sipas INSTAT-it, rritja vjetore e çmimeve në muajin qershor është ndikuar kryesisht nga grupi “Ushqime dhe pije joalkoolike” me +1,02 pikë përqindje, pasuar nga grupi “Qira, ujë, energji elektrike, gaz dhe karburante të tjera” me +0,96 pikë përqindje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu, çmimet e grupit “Transporti” me +0,21 pikë përqindje, çmimet e grupeve “Mobilje, pajisje shtëpie dhe mirëmbajtje e shtëpisë” dhe “Restorante dhe shërbime akomodimi” me + 0,19 pikë përqindje secili, çmimet e grupit “Pije alkoolike dhe duhan” ndikuan me +0,18 pikë përqindje, çmimet e grupit “Kujdesi personal dhe mallra e shërbime të ndryshme” me +0,14 pikë përqindje, çmimet e grupit “Argëtim, sport dhe kulturë” me +0,12 pikë përqindje, çmimet e grupit “Sigurime dhe shërbime financiare” me +0,08 pikë përqindje, çmimet e grupit “Shërbimi arsimor” me +0,07 pikë përqindje, çmimet e grupit “Shëndeti” me +0,06 pikë përqindje, çmimet e grupit “Informacioni dhe komunikimi” me +0,02 pikë përqindje dhe çmimet e grupit “Veshje dhe këpucë” me -0,03 pikë përqindje.
