LIGJET E BIZNESIT
Prodhimi i qumështit në vend është rritur, duke sinjalizuar një ecuri të mirë të industrisë përpunuese në vend. Sipas të dhënave të Institutit të Statistikave, në vitin 2025, sasia gjithsej e qumështit të grumbulluar në subjektet e grumbullimit dhe përpunimit të qumështit, në Shqipëri, arriti rreth 101 mijë tonë, duke shënuar një rritje prej 6,9 %, krahasuar me vitin 2024.
Sipas INSTAT-it, qumështi i lopës përbën pjesën më të madhe me 84 mijë tonë, me një rritje prej 12,5 %.
Ndërsa qumështi i deles arriti në 9 mijë tonë, me një rënie prej 21,1 %. Ecuri negative ka shënuar edhe qumështi i dhisë, që shënoi vitin e kaluar rreth 8 mijë tonë, me një rënie prej 4,3 %.
Nga sasia gjithsej e qumështit të grumbulluar, rreth 15 mijë tonë u përdorën për prodhimin e qumështit për konsum njerëzor. Pjesa më e madhe shkon për përpunim të mëtejshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rritje ka shënuar edhe prodhimi I nënprodukteve të qumështit. Sipas INSTAT-it, prodhimi i djathit u rrit me 1,9 %, duke arritur në 10.688 tonë. Djathi i prodhuar nga qumështi i lopës u rrit me 9,9 %, ai nga qumështi i deles ra me 21,8 %, dhe ai nga dhia ra me 1,7 %. Prodhimi i gjalpit arriti në 599 tonë, ku 96,0 % është gjalpë tradicional dhe 4,0 % gjalpë i shkrirë.
