LIGJET E BIZNESIT
Një aktivitet i dyshuar dhe i koordinuar në rrjetet sociale po synon dëmtimin e reputacionit të bizneseve që operojnë në sektorin e turizmit në Shqipëri.
Sipas të dhënave të bëra publike nga drejtori i Policisë së Shtetit, Skënder Hita, në këtë veprimtari dyshohet se janë përfshirë mbi 10 mijë llogari, të cilat kanë publikuar në mënyrë masive komente dhe vlerësime negative.
“Shqetësim serioz, për një veprimtari të dyshuar të koordinuar në hapësirën kibernetike. Kjo veprimtari rrezikon të dëmtojë jo vetëm biznese, por edhe imazhin e Shqipërisë si një vend i sigurt dhe mikpritës.
Strukturat tona kanë evidentuar aktivitet të dyshuar të koordinuar në platformat online, që konsiston në publikimin masiv të komenteve dhe review negative ndaj biznese që ushtrojnë aktivitet në sektorin e turizmit. Administrimi i kallëzimeve dhe të dhënat japin indicie për ekzistencën e një rrjedhje llogarish.
Brenda një periudhe këto llogari kanë publikuar në masë komente negative me qëllim dëmtimin e reputacionit të bizneseve shqiptare. Mbi 10 mijë llogari me modele aktiviteti të dyshimtë. Ka llogari dhe me profile të rregullta që janë identifikuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Janë evidentuar raste kur e njëjta llogari ka publikuar vlerësime negative për biznese në qytete, Tiranë, Durrës, Elbasan, Shkodër, Korçë, Vlorë e Sarandë.
Nëse provohet që është e qëllimshme, prek konkurrencën, besimin e konsumatorëve dhe perceptimin e Shqipërisë si një destinacion i sigurt. Çdo përpjekje për të cenuar interesin ekonomik të vendit do të trajtohet me prioritet maksimal.
Kush ka kontaktuar raste të ngjashme, të paraqesë kallëzim në polici”, tha Hita.
