LIGJET E BIZNESIT
Një marrëveshje e rëndësishme prej 6 miliardë dollarësh është firmosur mes kompanisë shqiptare Albgaz me dy kompani të mëdha ndërkombëtare, amerikane dhe greke në fushën e energjisë.
Marrëveshja 20-vjeçare synon ndërtimin e infrastrukturës në Vlorë për importin e gazit të lëngshëm nga SHBA me anije dhe rigazifikimin e tij për furnizimin e Europës Jugore.
Kryeministri Edi Rama tha se Shqipëria synon të kthehet në një vend eksportues neto të energjisë brenda këtij mandati.
“OSHEE, deri një dekadë më parë, ishte në buzë të falimentit dhe mbahej gjallë nga subvencionet qeveritare. Borxhi ishte më shumë se 5% e PBB-së. Sot, energjia përcakton sigurinë tonë, fuqinë tonë ekonomike dhe ambicien për vendin që zë në rajon dhe në Europë: të arrijmë që, brenda këtij mandati, të shndërrohemi në një vend eksportues neto të energjisë. Një element kyç i këtij rrugëtimi është partneriteti me SHBA, që mbështetet në zotimin e përbashkët ndaj sigurisë energjetike.
Vlora do të kthehet në një pikë kritike për energjinë në Evropën juglindore. Theksoj rëndësinë e asaj që tha ambasadorja Guilfoyle, për nevojën tonë, të Greqisë dhe të Shqipërisë, për të forcuar lidhjen dhe bashkëpunimin në shumë mënyra, por posaçërisht sa i takon furnizimit me energji, prodhimit, rezistencës dhe pavarësisë. Partneriteti i Shqipërisë dhe SHBA përçon një mesazh: edhe vendet e vogla mund të marrin hapa të guximshëm dhe të bëhen pjesë e zgjidhjes së sfidave më të ngutshme të kohëve tona”, deklaroi Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Marrëveshja prej 6 miliardë dollarësh mes SHBA, Greqisë e Shqipërisë forcon sigurinë energjetike dhe kombëtare, deklaroi ambasadorja amerikane në Athinë, Kimberly Guilfoyle.
“Ky ndërveprim forcon sigurinë energjetike dhe kombëtare. Në sektorin energjetik, siguria dhe ekonomia shkojnë krah për krah. Presidenti Trump ka qenë kampion i zjarrtë i sigurisë energjetike. Administrata Trump e ka ngritur si një shtyllë në mbarë botën. Ndërsa flasim për fuqi rajonale, dua të pranoj rëndësinë e lidhjeve të forta Shqipëri-Greqi. Janë më shumë se fqinje të afërta dhe bashkëpunimi ekonomik. Kur SHBA-të, Shqipëria dhe Greqia punojnë së bashku, i gjithë rajoni përfiton”.
