LIGJET E BIZNESIT
Ministria e Financave, paralelisht me Buxhetin 2026, ka hartuar paketën fiskale e cila sjell disa risi për bizneset dhe qytetarët. Konkretisht projektligji për faljen fiskale parashikon kushtet për fshirjen, shuarjen dhe pezullimin e detyrimeve tatimore të tyre, paguara ndaj administratës tatimore qendrore, ndaj sistemit tatimor e-tax ose jashtë tij dhe ndaj detyrimeve të papaguara ndaj doganës. Për vitin 2026 janë parashikuar një total minus 3.7 miliardë lekë nga zbatimi i saj.
Ndryshime do të ketë edhe në ligjin për TVSH, ku synohet që fermeri të kompensohet me një normë prej 10 për qind për tatimin mbi vlerën e shtuar e cila më parë ishte 6 për qind. Në subvencione, në funksion të realizimit të aktiviteteve prodhuese vendase, efekti financiar total është llogaritur rreth minus 1.5 miliardë lekë.
Sa i takon ligjit për tatimin e pasurisë të paluajtshme me një normë tatimore për qind, nuk parashikohet të ardhura shtesë në buxhet për arsye se këto të ardhura neutralizojnë të ardhurat nga fitimi kapital i shitjes së pasurisë së paluajtshme.
Nga 1 janar 2026 do të rritet paga minimale nga 40 mijë lekë në 50 mijë lekë dhe kjo tërheq me vete rritjen e pagës maksimale. Bazuar në të dhënat e administratës tatimore, rezulton se efekti pozitiv në të ardhura do të jetë rreth 9 miliardë lekë nga të cilat rreth 7.6 miliardë lekë nga kontributet shoqërore dhe rreth 1.4 miliardë lekë nga kontributet shëndetësore.
Nga ana tjetër si pjesë e masave të parashikuara për strategjinë afatmesme të të ardhurave për vitin 2026 është zbatimi i kalendarit të rritjes së akcizës së cigareve, dhe fillimi i zbatimit të kalendarit të rritjes së taksës së karbonit për qymyrin, nga 1 korrik 2026, nga 3 lekë/kg në 4.5 lekë/kg.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
