GJKKO pezullon nga detyra Belinda Ballukun

Gjykata e Posaçme ka caktuar dy masa sigurie për zëvendës kryeministren Belinda Balluku; “pezullim i ushtrimit të detyrës dhe funksionit” dhe “ndalim i daljes jashtë vendit”.

Zv/kryeministrja Belinda Balluku, njëherazi Ministre për Energjinë dhe Infrastrukturën, u paraqit më 31 tetor 2025 në SPAK, ku iu komunikua akuza e “shkeljes së barazisë së pjesëmarrësve në tendera apo ankande publike”.

Sipas një njoftimi të Prokurorisë së Posaçme, numri dy i qeverisë u mor e pandehur për llogari të një hetimi penal mbi shkelje të ligjit në procedurën e prokurimit për ndërtimin e tunelit të Llogarasë.