Rreth 1 në 5 persona blejnë online &#8211; Shqipëria, më “mosbesuesja” e rajonit, preferon blerjet tradicionale

Tregtia elektronike ka ndryshuar ndjeshëm mënyrën se si njerëzit blejnë në të gjithë botën theksohet në një raport të kohëve të fundit nga Përmbledhja Globale Digjitale 2025 e revistës CEOWORLD. Ky raport i gjerë rendit vende të ndryshme bazuar në përqindjen e blerjeve me pakicë të bëra në internet, duke ofruar njohuri mbi trendet aktuale të konsumit dixhital. Shtetet e Bashkuara dallohen si lidere, me 47.54% të shpenzimeve me pakicë që ndodhin në internet, të ndjekura nga Kina, Japonia, India, Hong Kongu dhe Singapori.

Për sa i përket Shqipërisë, ajo renditet në vendin e 110-të, me rreth 26.5% blerje online nga vendasit. Ajo që bie në sy është se vendet e rajonit blejnë më shumë online se Shqipëria. Shteti në rajon i cili raporton blerjet më të mëdha online është Mali i Zi, i cili renditet në vendin e 66-të me 36% blerje online. Pas Malit të Zi renditen Bosnja e Hercegovina dhe Serbia me përkatësisht 36% dhe 35.25%. Ndërsa Maqedonia e Veriut mban vendin e 80-të, ku vetëm 31.4% e popullsisë blen online.

Raporti vlerësoi vendet bazuar në faktorë të ndryshëm, duke përfshirë kohën që individët kalojnë në internet çdo javë, përqindjen e njerëzve që blejnë në internet çdo muaj dhe pjesën mesatare të të ardhurave të shpenzuara në internet. Aktualisht, ka 2.64 miliardë blerës online në nivel global, që përbën mbi 33% të popullsisë së botës. Sa i përket shifrave, shitjet totale të tregtisë elektronike me pakicë në të gjithë botën arrijnë afërsisht 6,310 miliardë dollarë, me Shtetet e Bashkuara që vetëm kontribuojnë 1,072.81 miliardë dollarë./Tv Scan