LIGJET E BIZNESIT
Rregullit ushtarak do t’I bashkohen 2100 forca rezerviste, të cilat do të jenë me pagesë. Komisioni Parlamentar i Ligjeve miratoi projektligjin për organizimin e Forcës Rezerviste në Republikën e Shqipërisë. Ministri i Mbrojtjes, Pirro Vëngu sqaroi se përmes kësaj nisme synohet të rritet forca ushtarake në dispozicion si për misione jashtë vendit ashtu edhe për përballimin e fatkeqësive natyrore.
“Një arsye që na ka shtyrë për ta sjellë këtë projektligj në kuvend është edhe situata e sigurisë kohët e fundit. Sipas planit deri në 2030, të kemi 2100 rezervistë, nëse nuk kërkojnë kushtet më shumë. Është parashikuar edhe përfshirja e rezervistëve në misione jashtë vendit.
Benefitet e kësaj nisme ka të bëjë me rritjen e burimeve njerëzore, ka kosto më efektive pasi rezervistët janë me kohë të pjesshme dhe me kosto të ulët në raport me ushtarakun me kohë të plotë. Po ashtu rritet gatishmëria e mbrojtjes dhe shumëfishon forcat për misione apo angazhime në rastet e fatkeqësive”.
Sipas projektligjit, kohëzgjatja e shërbimit rezervistë do të jetë nga 14-45 ditë në vit. Përllogaritet që kostoja e këtij program të shkojë 1.6 miliardë lekë në vit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
