Ndërhyrjet e Bankës së Shqipërisë në tregun e këmbimit, bleu 272 milionë euro vetëm në 6-mujorin e parë

Banka e Shqipërisë ka ndërhyrë disa herë në tregun e këmbimit valutor, për të frenuar zhvlerësimin e euros. Sipas të dhënave nga institucioni mbikëqyrës bankar, në 6-mujorin e parë të këtij viti janë blerë mbi 272 milionë euro në treg, shumë më tepër sesa ishin planifikuar. Nga kjo shumë, 134.2 milioën euro ishin blerjet në ankandet e parashikuara për nevojat e rezervës valutore, ndërsa rreth 137.6 milionë euro janë blerë në operacione të drejtpërdrejta për të shmangur rënien e euros dhe forcimin e lekut.

“Ndërhyrjet në tregun valutor kanë rritur likuiditetin e bankave me 22.56 miliardë lekë me një përqendrim më të madh në periudhën maj-qershor kur Banka e Shqipërisë, krahas blerjeve me ankand, ka nisur edhe ndërhyrjet në tregun valutor duke blerë valutë në përmbushje të  objektivave të politikës monetare ose të stabilitetit financiar”, theksohet në raportin e BSH-së.

Banka e Shqipërisë ndërhyu në mënyrë aktive vecaërisht gjatë muajve qershor dhe korrik për të mbajtur kursin e këmbimit të euros mbi vlerën e 100 lekëve. Ndërhyrje këto që u ndërprenë pas datës 2 gusht. Aktualisht, euro ndodhet në kuotën e 99 lekëve, duke zbritur poshtë kuotës së 100 lekëve, të konsideruar si kufi psikologjik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern