LIGJET E BIZNESIT
Zhvlerësimi i fortë i euros dhe rritja e kostove të lëndëve të para kanë vendosur në vështirësi prodhimin vendas. Eksportet janë ato që po vuajnë më shumë dhe rënia vjetore vlerësohet në 14.5% në 7 mujorin e parë të këtij viti. Për këtë periudhë eksportet shqiptare arritën vlerën e 233 miliardë lekëve.
Grupet që kanë ndikuar në uljen vjetore të eksporteve, janë: “Minerale, lëndë djegëse dhe energji elektrike” me -6,0 pikë përqindje, “Tekstile dhe këpucë” me -5,2 pikë përqindje, “Materiale ndërtimi dhe metale” me -2,2 pikë përqindje, etj. Pozitivisht ka ndikuar grupi: “Produkte kimike dhe plastike” me +0,1 pikë përqindje, etj.
Ndërkohë që importet e mallrave arritën vlerën 526 miliardë lekë në 7 mujorin e këtij viti, duke u rritur me 3,2 %, krahasuar me një vit më parë. Grupet që kanë ndikuar pozitivisht në rritjen vjetore të importeve, janë: “Makineri, pajisje dhe pjesë këmbimi” me +3,3 pikë përqindje, “Ushqime, pije, duhan” me +1,5 pikë përqindje, Materiale ndërtimi dhe metale” me +0,6 pikë përqindje, etj. Ndërsa negativisht kanë ndikuar grupet: “Minerale, lëndë djegëse, energji elektrike” me -1,3 pikë përqindje, “Tekstile dhe këpucë” me -1,1 pikë përqindje, etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për 7 mujorin e këtij viti, deficiti tregtar arriti vlerën 293 miliardë lekë, duke u rritur me 23,6 %, krahasuar me të njëjtën periudhë të 2023.
Ecuria e tregtisë së mallrave sipas vendeve partnere
Në muajin Korrik 2024, vendet me të cilët Shqipëria ka pasur uljen më të madhe të eksporteve, në krahasim me Korrik 2023 janë: Italia (9,0 %), Spanja (53,4 %), Maqedonia e Veriut (8,7 %), etj. Ndërsa vendet me të cilat eksportet kanë pasur rritjen më të madhe, janë: Kosova (9,8 %), Greqia (0,3 %), Gjermania (0,8 %), etj.
Gjatë këtij shtatëmujori vendi me të cilët Shqipëria ka pasur uljen më të madhe të eksporteve, në krahasim me një vit më parë, është: Italia (14,1 %), Greqia (21,6 %), Gjermania (11,9 %), etj. Ndërsa vendet me të cilat eksportet kanë pasur rritjen më të madhe, janë: Kosova (0,1 %), Kina (25,7 %), etj. Në muajin Korrik 2024, vendet me të cilët Shqipëria ka pasur rritjen më të madhe te importeve, janë: Italia (5,7 %), Kina (29,6 %), Turqia (19,9 %), etj. Ndërsa vendet me të cilat importet kanë pasur uljen më të madhe, janë: SHBA (5,2 %), Spanja (8,3 %), Kroacia (13,0 %), etj.
Gjatë këtij shtatëmujori, vendet me të cilët Shqipëria ka pasur rritje më të madhe të importeve, në krahasim me një vit më parë, janë: Turqia (17,1 %), Greqia (19,3 %), Gjermania (6,0 %), etj. Ndërsa vendet me të cilat importet shtëkanë pasur uljen më të madhe janë: Italia (2,9 %), Kina (3,7 %), Maqedonia e Veriut (9,4 %), etj.
