LIGJET E BIZNESIT
Të marrësh kredi për konsum është më e lehtë sesa për blerje banese. Kjo ka rezultuar në tremujorin e parë të këtij viti dhe është pasqyruar në Vrojtimin e Aktivitetit Kreditues, të publikuar nga Banka e Shqipërisë.
“Standardet e kreditimit për individët u shtrënguan disi në tremujorin e parë të vitit 2024. Shtrëngimi i standardeve u aplikua vetëm në kreditë në blerjen e banesave, e ndikuar nga një bankë e vetme e sistemit. Nga ana tjetër, standardet e kreditimit u lehtësuan në kreditë konsumatore”, theksohet në Vrojtim.
Sipas raportit, shtrëngimi i standardeve u bazua në perceptimin e bankave mbi zhvillimet aktuale dhe të pritura në tregun e banesave dhe mbi ambientin e normave të interesit. Nga ana tjetër, trysnia e shtuar nga konkurrenca në sistemin bankar dhe perceptimi i bankave për rrezik më të ulët lidhur me aftësinë paguese të kredimarrësve vijojnë të jenë faktorë mbështetës për lehtësimin e standardeve të kreditimit për individët.
Banka e Shqipërisë konstaton se standardet e kreditimit për individët priten të shtrëngohen në tremujorin e dytë të vitit 2024, si në kreditë për blerjen e banesave, ashtu edhe ato në financimin e konsumit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
