LIGJET E BIZNESIT
Kartëmonedhat më të falsifikuara në Shqipëri u përkasin prerjeve 1000 lekë dhe 5000 lekë. Ndërsa monedha metalike prerje 50 lekësh mbetet e vetmja monedhë e falsifikuar, edhe pse në sasi të ulët dhe të papërfillshme në raport me të vërtetat, e shoqëruar me trend të theksuar rënës, krahasuar me vitet e mëparshme. Kjo ka rezultuar nga raporti i Bankës së Shqipërisë lidhur me sigurinë e monedhave.
Institucioni mbikëqyrës bankar raporton shumë pak kartëmonedha false të sekuestruara, por gjithsesi të prodhuara në forma artizanale të nivelit të dobët dhe që në asnjë rast nuk kalojnë testin e pajisjeve profesionale të identifikimit të imitimeve.
Sipas raportit të BSH-së, në vitit 2022 janë sekuestruar 343 copë kartëmonedha kombëtare të falsifikuara dhe 79 copë monedha metalike kombëtare të falsifikuara.
Koeficienti i kartëmonedhave të falsifikuara për 1 milion copë kartëmonedha në qarkullim vijon të ngelet në vlera shumë të ulëta. Për vitin 2022, ky koeficient rezultoi në vlerën 2.2.
Nga këndvështrimit teknik dhe/ose teknologjik i fenomenit të falsifikimit të kartëmonedhave kombëtare, janë riprodhime të thjeshta me pajisje digjitale komerciale, pothuajse vetëm me teknikën ink-jet me ngjyra, të shoqëruara me aplikime të teknikave artizanale dhe teknologjike për imitimin e elementeve të sigurisë. Ndërsa, elementet e sigurisë të lexueshëm prej makinave/pajisjeve autentifikuese, nuk ndeshen në asnjë rast imitimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
