Tremujori i tretë i vitit, punësimi rritet me 53 mijë persona

Ekonomia shqiptare ka gjeneruar vende të reja pune këtë vit. Instituti I Statistikave raporton se në tremujorin e tretë rezultuan rreth 53 mijë të punësuar më shumë se e njëjta periudhe e një viti më parë. Rritja i dedikohet rritjes së punësimit në sektorit e bujqësie dhe shërbimeve, nga rritja e turizmit, ndërkohë që industria shënoi rënie.

Për rrjedhojë treguesi i papunësisë shënoi ulje në rekorde historike. Sipas INSTAT në tremujorin e tretë 2022, shkalla zyrtare e papunësisë në Shqipëri është 10.6%.

Shkalla zyrtare e papunësisë u ul me 0.7% në krahasim me tremujorin e tretë të vitit 2021, dhe u ul me 0.5%  kundrejt tremujorit të dytë të këtij viti.

Shkalla zyrtare e papunësisë për burrat është 9.9% dhe për gratë 11.3%. Krahasuar me të njëjtin tremujor të vitit 2021, shkalla e papunësisë është ulur me 1% për burrat dhe është ulur me 0.4% për gratë.Ndërsa papunësia tek të rinjtë e moshës 15-29 vjeç rezulton në nivelin 20.5%.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern