Dërgesat e emigrantëve në nivele rekord, më të lartat që nga viti 2008

Rigjallërimi i emigracionit vitet e fundit është shoqrëuar me rritje të të ardhurave që emigrantët kanë sjellë pranë familjeve të tyre në atdhe. Sipas të dhënave të Bankës së Shqipërisë, gjatë 9 mujorit të këtij viti, remitancat arritën vlerën 592 milionë euro, duke shënuar një rritje prej 10% kundrejt të njëjtës periudhë të një viti më parë. Ky është niveli më i lartë i dërgesave të emigrantëve që prej vitit 2008.

Dërgesat e emigrantëve po ndjekin një cikël të ri rritjeje, që i detyrohet kryesisht valës së re të emigracionit të dekadës së fundit. Vitin e kaluar, këto dërgesa arritën vlerën e 761 milionë eurove, niveli më i lartë që prej vitit 2009.

Remitancat konsiderohen një burim i rëndësishëm financimi për ekonominë, pasi me këto të ardhura jetojnë me mijëra familje në Shqipëri, teksa ëhstë edhe një ndër burimet kryesore të gjenerimit të valutës në vend.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern