LIGJET E BIZNESIT
Debate në parlament mes opozitës dhe mazhorancës për projektbuxhetin 2023. Shkak janë bërë fondet për familjet e varfra. Për demokratët, buxheti i vitit të ardhshëm është i fryrë nga taksat dhe shqiptarët do të paguajnë më shumë. Ndërsa nuk mbron familjet dhe biznesin nga kriza e çmimeve. Por për kryeministrin Rama, mos rritja e çmimi i energjisë është elementi kryesor i mburojës sociale.
Ministrja e Financave, Delina Ibrahimaj i konsideroi gënjeshtra interpretimet e shifrave të bëra nga opozita. Sipas saj, qeveria është treguar e kujdesshme në hartimin e buxhetit, për t’i bërë ballë të papriturave.
Opozita sulmoi gjithashtu shifrat e borxhit publik, ku nuk llogariten detyrimet e arbitrazhit dhe gjykatave, pagesat e kontratave PPP dhe borxhi i institucioneve ndaj kompanive të energjisë elektrike.
Kryeministri ndërkohë prezantoi disa masa shtesë sociale që do të hyjnë në fuqi vitin tjetër.
Qeveria u zotua të krijojë edhe programin e garancisë rinore, për punësimin e të diplomuarve, rritjen e fondit për skemën e rimbursimit të barnave, si dhe një program kuotash ushqimore dhe financiare për nxënësit me nevoja të veçanta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
