LIGJET E BIZNESIT
Mbërrin në Tiranë misioni i rradhës i Fondit Monetar Ndërkomnbëtar për të analizuar ecurinë e ekonomisë dhe financave publike. Takimi I parë u zhvilluar me ministren e Financave dhe Ekonomisë, Delina Ibrahimaj. Ministrja informoi shkurtimisht mbi ecurinë ekonomike të vendit në kontekstin e ri të krijuar nga efektet e krizës energjetike dhe konflikti ushtarak në Rusi-Ukrainë, si dhe me masat e marra nga Qeveria për përballimin e efekteve të saj, ndërsa nga shefja e misionit, Yan Sun, u prezantuan fushat kryesore ku do të fokusohet misioni.
Gjithashtu, kryefinancierja shprehu anagazhimin e qeverisë dhe ministrisë që drejton, për të ruajtur parametrat makroekonomikë dhe vijuar konsolidimin fiskal, edhe pse rritja e çmimeve në tregjet globale ka dhënë efektet edhe në ekonominë shqiptare.
Ministrja informoi se MFE është duke punuar për hartimin e buxhetit të vitit 2023 dhe për kuadrin makro fiskal afatmesëm, përfshirë edhe pritshmëritë për mbylljen e vitin 2022.
Sipas njoftimit zyrtar, shefja e misionit të FMN-së, Sun u shpreh se disa prej fushave kryesore ku do përqendrohet misioni do të jenë analiza dhe perspektiva e treguesve makroekonomikë, fiskalë, monetare, financiarë dhe projeksionet për to, do të analizojë, vlerësojë dhe rekomandojë mbi objektivat e politikave fiskale, monetare, makro-prudenciale, e të tjerë, do të analizojë planet fiskale dhe buxhetore të qeverisë, performancën e vitit 2022, financimin buxhetor, draft-buxhetin 2023 dhe plan-buxhetin afat mesëm, reformat strukturore, risqet, etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
