LIGJET E BIZNESIT
Dollari është forcuar sërish në tregun tonë të këmbimit, duke lënë pas euron. Sipas kursit zyrtar të Bankës së Shqipërisë, monedha amerikane shkëmbehet me 118.81 lekë, duke fituar 0.45 lekë kundrejt një dite më parë. Ndërkohë që monedha europiane është në nivelin e 117.73 lekëve, me rënie 0.08 lekë kundrejt ditës së djeshme.
Dollari ka arritur në tregun tonë valutor nivelin më të lartë të pesë viteve të fundit. Dominimi i tij ndaj euros nuk po ndodh për shkak të faktorëve të brendshëm, por si pasojë e kushteve të jashtme. Forcimi i tij në tregjet valutore në këtë periudhë po mbëshetet njëkohësisht nga rritja e fortë e normave të interesit të Rezervës Federale, si edhe nga ecuria e mirë e ekonomisë amerikane.
Përsa i përket ndikimit në ekonominë shqiptare, forcimi i dollarit do të ushtrojë presion tek çmimet e karburanteve dhe dhe lëndëve të para, që importohen kryesisht në dollar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
