Rrahën brutalisht babë e bir me grushte dhe shqelma, arrestohet 20-vjeçari shqiptar dhe 2 shokët

Një 20-vjeçar shqiptar, një italian dhe një brazilian 19-vjeçar janë arrestuar së fundmi nga policia italiane pasi dyshohet se janë autorët e një rrahjeje brutale më 13 maj.

Mediet italiane shkruajnë se ngjarja ka ndodhur në Somma Lombardo, Varese të Gallarate.

Sipas rikonstruksionit të ngjarjes, të tre ishin në kërkim të një të riu me të cilin ishin grindur disa ditë më parë në një lokal nate dhe duke mos e gjetur, kanë sulmuar me shqelma dhe grushte dy burra, babë e bir.

Ushtarët e Stacionit Somma Lombardo, në koordinim me Prokurorinë Publike Busto Arsizio dhe me Karabinierët e Kompanisë Gallarate, i identifikuan të tre përmes dëshmive të mbledhura dhe pamjeve të kamerave të sigurisë.

Babai dhe djali u dërguan në spital. Ansa shkruan se babai ishte në gjendje të mirë shëndetësore, ndërsa djali përfundoi me frakturë në kafkë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern