“Nuk ia kthej kurrizin” Grida Duma i bëri kërkesë për Lulzim Bashën, reagon Enkelejd Alibeaj

Kryetari i grupit parlamentar të Partinë Demokratike Enkelejd Alibeaj i është përgjigjur kërkesës së deputetes Grida Duma.

Ajo ka kërkuar distancimin e Alibeajt nga ish-kreu i PD Lulzim Basha.

Në mbledhjen e djeshme mes disa prej deputetëve të djathtë, Alibeaj deklaroi se nuk do ti kthejë kurrizin Bashës dhe ka shtuar se ai nuk ka impakt në grupin e Partisë Demokratike.

“Unë jam rritur i persekutuar dhe e di çfarë do të thotë ti kthesh kurrizin tjetrit. Unë nuk i kthej kurrizin Lulzim Bashës. Ne kemi bërë opozitë. Lulzim Basha nuk ka efekt dhe impakt tek grupi ynë. Ai ka dhënë dorëheqjen”, është shprehur Alibeaj.