Mbetën në mes të detit të bllokuar me një pedalon, policia shpëton tre 15-vjeçarët në Durrës

Tre 15-vjeçarë janë shpëtuar nga policia në plazhin e Durrësit.

Mësohet se adoleshentët kishin mbetur në det të hapur me një pedalon.

Sipas informacioneve, ata ishin futur rreth orës me mjetin në fjalë në det, por nuk po mundeshin të ktheheshin dot në breg, pasi iu ishte bllokuar timoni. Të miturit janë nxjerrë në breg nga policia dhe janë në gjendje të mirë shëndetësore.

Policia Durrës:

Policia Kufitare e Durrësit u erdhi në ndihmë 3 pushuesve që kishin mbetur në det të hapur, me një pedalon.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Rreth orës 17:05, është marrë njoftim se në det të hapur, në vendin e quajtur “Adriatik 1”, Durrës, kishin mbetur 3 shtetas që ishin futur në det me një pedalon, me të cilin nuk po ktheheshin dot në breg.

Menjëherë në ndihmë të tyre, janë nisur shërbimet, me mjetin lundrues të Policisë Kufitare Durrës, të cilët kanë konstatuar se larg bregut, në det të hapur, ishte një mjet lundrues pedalon, me 3 shtetas në të, që ishte bllokuar në det dhe nuk lëvizte pasi iu kishte bllokuar timoni.

Shërbimet e Policisë Kufitare Durrës kanë marrë në mjetin lundrues të Policisë Kufitare, 3 pushuesit, të moshës 15 vjeç, të tre banues në Tiranë, të cilët ishin në gjendje të mirë shëndetësore.

Policia Kufitare e Durrësit këshillon të gjithë pushuesit që t’i përdorin mjetet lundruese sipas rregullave të përdorimit të tyre, për të mos rrezikuar jetën.