Plagosje me armë në Mirditë

Një plagosje me armë zjarri ka ndodhur mbrëmjen e sotme në zonën e Fanit në Mirditë, pranë rrugës së Kombit.

Menjëherë sapo policia ka marrë njoftimin është nisur drejt vendit të ngjarjes. Ndërsa raportohet se ngjarja mund të ketë ndodhur për shkak të një konflikti.

Mirditë / Informacion paraprak

Në Urgjencën e Spitalit Rajonal Rrëshen është dërguar për ndihmë mjekësore, i plagosur me armë zjarri shtetasi M.P. 51 vjeç, banues në Klos, Mirditë.

Nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit të shtetasit M.P. me dy shtetas të tjerë të cilët janë shpallur në kërkim dhe punohet intensivisht për kapjen e tyre, por për shkak të hetimit, nuk bëjmë me dije të dhëna të tjera për identitetet e tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vazhdojnë veprimet për zbardhjen e plotë të ngjarjes dhe kapjen e autorëve.