U gjet e pajetë në Shkodër, vajza i përkiste komunitetit rom, ishte shpallur e humbur në 8 maj

Një grua pa shenja jete u konstatua ditën e djeshme në Bypassin e Shkodrës. Mësohet se ajo është 37 vjeçarja Laze Qosaj, trupi i së cilës u gjet i vdekur në një kanal. Ajo i përkiste komunitetit rom dhe kanë qenë banorët e zonës ata që kanë gjetur trupin dhe kanë lajmëruar policinë.

Më herët u raportua se 37 vjeçarja ishte dhunuar dhe më pas ishte braktisur në kanal, por pas këqyrjes paraprake, ekspertët dolën në përfundimet se viktima nuk ishte dhunuar por shenjat ishin shkaktuar nga dekompozimi i trupit të saj.

“Rreth orës 17:05, në lagjen “Ahmet Haxhija”, Shkodër, në Bypass, në afërsi të një kanali, është gjetur pa shenja jete një shtetasja L.Q (K) 37 vjeçe, lindur në Tropojë e banuese në Dobraç, Shkodër. Trupi është pjesërisht i dekompozuar dhe pritet ekspertiza mjeko-ligjore për të përcaktuar shkakun e vdekjes.” – njofton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern