LIGJET E BIZNESIT
Pasditen e sotme forcat speciale RENEA kanë zbarkuar në qytetin e Elbasanit.
Pas aksionit janë shoqëruar rreth 10 persona të cilët dyshohet se kanë lidhje me Nuredin Dumanin.
Kontrollet kanë qenë në kuadër të operacionit “Plumbi i artë”, pasi ka pasur informacione mbi vendndodhjen e të shumëkërkuarit, Talo Çela, i cili dyshohet se është i përfshirë në vepra të ndryshme kriminale me pagesë.
Pavarësisht marrjes së këtyre informacioneve për vendodhjen e tij policia nuk ka arritur të kapë Talo Çelën, por ka bërë të mundur arrestimin e krahut të tij të djathtë, Klement Xhaferrit.
Klement Xhaferri, ishte shpallur në kërkim nga prokuroria për ngjarjen e rëndë që ndodhi para zgjedhjeve të 25 Prillit, ku mbeti i vrarë në qytetin e Elbasanit, mjeku psikiatër Pjerin Xhuvani, i cili u ekzekutua nga badigardët e Gazment Bardhit, i cili ishte kryesuesi i listës së PD në qark.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Po të njëjtat burime konfirmojnë se ndaj Klement Xhaferrit ka më shumë se 1 muaj e gjysmë që çështja penale është mbyllur, pasi është vërtetuar se ai nuk ka qëlluar ditën që u vra mjeku psikiatër, dhe se nuk ka patur lidhje me ngjarjen.
Burimet bëjnë me dije se Prokuroria e Elbasanit ka administruar të gjitha pamjet filmike të momentit kur është vrarë Xhuvani, dhe ka arritur në konkluzionin se Xhaferri nuk ka patur lidhje me ngjarjen.
Xhaferri është shoqëruar teksa ishte duke lëvizur me makinën e tij në qytetin e Elbasanit.
