Tiranë/ 3 të panjohur rrahin me grushte një 38-vjeçar

Policia e Tiranës është vënë në kërkim të 3 personave pasi rrahën me grushte një 38-vjeçar në kryeqytet. Ngjarja është rrethuar nga misteri pasi gjatë denoncimit në polici, 38-vjeçari tregon se nuk i ka njohur personat që fillimisht e kanë kërcënuar, fyer dhe më pas rrahur me grushte.

Ngjarja ndodhi në zonën e Shkozës në Tiranë, ndërsa për sa nuk i ka njohur, 38-vjeçari nuk ka dhënë asnjë detaj edhe lidhur me shkaqet e mundshme.

“Më datë 13.05.2022, shtetasi F. H., 38 vjeç ka kallëzuar se në Shkozë, tre persona të paidentifikuar, e kanë ofenduar dhe goditur me grushte. Punohet për identifikimin dhe kapjen e autorëve”, njofton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern