I’u ngacmuan të dashurat në hotel, shqiptarët përleshen me të huajt por e pësojnë keq

2 shqiptarë janë përfshirë në një sherr të dhunshëm me shkopinj me një grup prej katër personash në Novara të Italisë. Shkaku ka qenë ngacmimi i 2 vajzave që ishin në të njëjtën tavolinë me to.

4 të huajt që kanë sulmuar janë lënë në masën e sigurisë detyrim paraqitje, ndërsa të sulmuarit janë dy shqiptarë nga Kosova dhe një me origjinë marokene, po ashtu banues në Novara.

Gjithçka ka nisur në ditët e para të muajit janar për shkak të një mosmarrëveshjeje të parëndësishme që ndodhi në qendër të Novarës në një lokal shumë të populluar.

Në fillim sherri verbal ishte për ngacmimin e vajzave në shoqërinë e shqiptarëve. Mirëpo, sherri i nisur aty është parandaluar me ndërhyrjen e policisë.

Duke mos u mjaftuar me kaq ata kanë lënë takim të nesërmen për t’u sqaruar mbi ngjarjen. Shqiptarët nuk ishin përgatitur për më të keqen, pasi 4 rivalët u kishin bërë një pritë. Aty plasi sherri e dhuna me shkopinj bejsbolli madje njëri nga shqiptarët ka përfunduar në spital.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern