LIGJET E BIZNESIT
Nuk ka ende një procedim të regjistruar në emër të Ilir Metës apo Sali Berishës lidhur me dosjet e shumëpërfolura të ‘CEZ-DIA’, ‘21 janari’ apo ‘Gërdeci’.
Euronews Albania iu drejtua zyrtarisht Prokurorisë së Posaçme dhe e pyeti atë nëse ka një hetim për ngjarjen e 21 janarit 2011 ku në bulevard u vranë 4 protestues të opozitës.
Përgjigjja zyrtare e SPAK ishte se nuk po e hetojnë këtë çështje. Ndaj SPAK u shtruan pyetje edhe mbi dosjen CEZ-DIA, për të cilën i vetmi person akoma në burg është biznesmeni Kastriot Ismailaj, pronari i kopanisë DIA.
Në vitin 2009 prokuroria kishte kapur një përgjim midis tij dhe Ilir Metës, ku supozohej që ky i fundit i kërkonte para. Mirëpo, dosja u pushua dhe të gjitha materialet hetimore u asgjësuan në bazë të ligjit shqiptar.
“Asnjë hetim nuk ka për Ilir Metën në lidhje me këtë çështje”, ishte përgjigja e SPAK.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sakaq, për dosjen “Gërdeci” kjo prokurori ka një hetim dhe personi i vetëm i cili hetohet është Fatmir Mediu, ish-ministër i Mbrojtjes.
Prej afro tre javësh kryeministri Edi Rama kërkon nga SPAK hetimin e Sali Berishës dhe Ilir Metës.
