“Ka abortuar para se të kthehesha unë nga Greqia” Vjen dëshmia tronditëse nga Korça, burri tregon si e zbuloi foshnjën në valixhe

Një ngjarje e tmerrshme ndodhi sot në qytetin e Korçës.

Protagoniste ishte një grua, e cila kishte lindur fëmijën para rreth një muaji dhe e kishte futur në valixhe, të fshehur në dollap.

Ndërkohë sot, bashkëshorti i saj ka dhënë një dëshmi të shkurtër para gazetarëve.

Ai ka deklaruar se 6 muaj e fundit ndodhej në emigracion në Greqi dhe ishte thyer në banesën e tij para një muaji. Ai shprehet se dyshon se bashkëshortja e tij e ka abortuar foshnjën para një muaji dhe e ka fshehur më pas në shtëpi.

I pyetur nëse mendon se fëmija ishte i tij, ai thotë se nuk e di, por dyshon se nuk është.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Para një muaji erdha, dyshimi është që ka abortuar para një muaji, nuk e di nëse fëmija është i mi, besoj se jo. 6 muajt e fundit isha në Greqi. Ajo jetonte vetëm me çunin”, u shpreh ai.

Mësohet se në dëshminë e tij në polici ai ka deklaruar se prej kohësh ndiente një erë të rëndë në banesë, por nuk e kishte kuptuar se nga çfarë vinte dhe se vetëm ditën e djeshme ka gjetur foshnjën e futur në valixhe.

Më pas ai ka njoftuar policisë, ndërsa gruaja,  e cila vuante nga probleme të shëndetit mendor, aktualisht ndodhet në maternitetin e qytetit dhe po mbahet në vëzhgim nga policia dhe nga mjekët.