LIGJET E BIZNESIT
Para disa ditësh në mediat e huaja qarkulloi me bujë një video në të cilat shihej një person që gënjeu një mace se do ta ushqente dhe më pas e shkelmoi duke e hedhur në det. Menjëherë pasi videoja bëri xhiron e rrjetit, policia arriti të kapë autorin duke bërë të ditur se është shqiptar.
Ky i fundit, identiteti i të cilit akoma nuk dihet, mësohet se është një emër i njohur për policinë pasi në vitin 2017 është arrestuar nga Nëndrejtoria e Sigurimit Igumenicë për trafik droge, pasi iu gjet një sasi prej 67 kilogramësh kanabis. Më pas, ai u dënua me burg dhe u dërgua në burgun e Korydallos.
Mirëpo pasi dhunoi macen, shqiptari u përball me gjyqin ku rrezikonte që të dënohej 5 vite burg. Sakaq, trupa gjykuese ka liruar nga qelia 30-vjeçarin shqiptar që dhunoi macen pasi Prokuroria e cilësoi ngjarjen si kundravajtje dhe jo si vepër penale për keqtrajtim kafshësh. Pas lirimit, shqiptari akoma i paidentifikuar, doli dhe dha një prononcim për mediat, duke kërkuar edhe njëherë ndjesë.
“Më vjen shumë keq për veprimet e mia, jam penduar dhe do të ndëshkohem,” –ishin këto fjalët e para të 30-vjeçarit pasi doli nga salla e gjyqit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
