LIGJET E BIZNESIT
Ajas Sulejmani do të dalë ditën e sotme para Gjykatës për t’u njohur me masën e sigurisë.
Ai del para trupës gjyqësore pas tri ditësh nga ajo përplasje fatale ndaj familjes Konomi, ndërkohë që prokurorja e çështjes mësohet se ka depozituar pranë Gjykatës kërkesën që Sulejmani të hetohet në masën e arrestit me burg pa afat.
Ajo çka është mësuar deri më tani, nga rrëfimi i tij në prokurori, është fakti që ai ka pretenduar se makinës së tij luksoze nuk i kanë punuar frenat në momentin që ka qenë në semafor dhe ndaj ka hyrë me të kuqe.
Po ashtu, ai ka refuzuar të ketë ikur nga vendi i ngjarjes për t’iu fshehur Policisë, por për shkak se ka pësuar traumë nga fakti që në makinë ka pasur të bijën 5 vjeç.
Pretendimet e shkaktarit të aksidentit të rëndë shkojnë edhe më tej, kur i thotë prokurorisë se unë e telefonova vetë Policinë dhe iu tregova vendin ku isha dhe se Policia nuk e kishte arrestuar ashtu siç pretendohet prej tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Referuar të dhënave policore bëhet me dije se mjeti me të cilin shkaktoi aksidentin e rëndë 39-vjeçari ende nuk ka kaluar në ekspertimin teknik dhe ende asnjë ekspert rrugor nuk ka dhënë version për atë çfarë vërtet ka ndodhur në atë moment në Rrugën e Kavajës, ku dy prindër që po kalonin ë vijat e bardha me foshnjën e tyre vetëm 3 muajshe, ku për fat, mjeti nuk e preku karrocën në të cilën gjendej vajza e çiftit Konomi, e për pasojë fëmija është në gjendje të mirë shëndetësore, ndryshe dy prindërve të saj, të cilët edhe pse kanë kaluar fazën e rrezikut për jetën vijojnë të jenë në gjendje të rëndë në Spitalin e Traumës.panorama
