Pas largimit të Ben Blushit, Vjollca Hoxha tregon se kush do e marrë drejtimin e Top Channel

Pas largimit të Ben Blushit si drejtor i Përgjithshëm i Top Channel, ka reaguar për herë të parë dhe presidentja e këtij televizioni, Vjollca Hoxha.

Me anë të një e-maili për stafin, ajo shkruan se drejtimin e Top Channel tasmë do të marrin trashëgimtarët, që janë fëmijët e saj, Sara, Lori, Redia dhe Etan Hoxha.

Vjollca Hoxha e falenderon Blushin për kontributin e tij duke shtuar se rrugëtimi i televizionit kombëtar vazhdon.

“Të dashur, Duke falenderuar z.Blushi për kontributin e tij në Top Channel, rruga jonë e përbashkët vazhdon, në vigjilje të 20 vjetorit të shtëpisë sonë të dytë, drejt 20 viteve të tjera e më shumë, që uroj të jenë po kaq të shkëlqyera në mos më tepër nga puna e secilit prej jush. Top Channel do të vazhdojë të administrohet nga trashëgimtarët e atij që 20 vite më parë nisi një ëndërr të bukur që ju e mbani gjallë çdo ditë,”- shkruan Hoxha në e-mail.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern