Zbulohet arsyeja e sherrit/ Kjo është shqiptarja që qëlloi me armë për të vrarë burrin grek (EMRI-FOTO)

Shqiptarja që qëlloi me armë zjarri bashkëshortin e saj në Greqi, është shtetasja Klodiana Çelo.

Ngjarja ndodhi në rrugën “Filikis Eterias” në Chalandri.

Ajo e ka qëlluar disa herë në bark bashkëshortin, me të cilin ndodhej në një proces gjyqësor përsa i përket kujdestarisë së fëmijës dhe detyrimeve që rrjedhin prej saj.

I plagosuri ndodhet në spital dhe po lufton për jetën.

Ai është identifikuar si Jorgos Neos, mjek okulist i njohur në Athinë.

Shqiptarja është arrestuar nga policia dhe sipas informacioneve shkak për ngjarjen e rëndë dyshohet të jenë bërë konfliktet familjare.

Siç është bërë e ditur deri më tani, gjithçka ka ndodhur para syve të vajzës së tyre 13-vjeçare. Menjëherë kanë ndërhyrë kalimtarët që thirrën policinë dhe ambulancën.