Udhëtonte me shpejtësi “skëterrë” dhe u përplas me makinën, gruaja zbulon gjendjen shëndetësore të Gaz Pajës

Ai hyri me të kuqe në semafor dhe u përplas me një automjet  i cili drejtohej nga shtetasi me iniciale E. K. Në momentin e përplasjes Gaz Paja ra në tokë. Qytetarë të pranishëm në vendin e ngjarjes i erdhën menjëherë në ndihmë dhe u dërgua në spital.

Bashkëshortja e aktorit, Ira Seferi ka treguar gjendjen shëndetësore të Pajës. Ajo ka thënë për “Vipmagazine”, se “ai ka dëmtime jo serioze dhe do të bëhet mirë shumë shpejt”.

Njoftimi i policisë:

Me datë 11.11.2021, rreth orës 11:08, në rrugën e Kavajës, mjeti me drejtues shtetasin E. K., është përplasur me një motomjet me drejtues shtetasin G. P.

Si pasojë është dëmtuar drejtuesi i motomjetit shtetasi G. P., i cili ndodhet në spital, nën kujdesin e mjekëve.

Grupi Hetimor është në vendngjarje dhe po punon për sqarimin e rrethanave të aksidentit.