Rekord pikësh në eliminatoret e një Botërori, Shqipëria e Edi Rejës “top”

Një gol i Endri Çekiçit me penallti në minutën e 73’, i dhuroi Shqipërisë fitoren 1-0 ndaj Andorrës në “Air Albania”, sukses që na konfirmon si forcë e tretë në grupin I të eliminatoreve të Botërorit Katar 2022.

18 pikë grumbulluan kuqezinjtë në këtë fazë eliminatoresh, si asnjëherë më parë në historinë e kombëtares tonë. Deri tani, rekordi i pikëve i përkiste gjermanit Hans Peter Brigel dhe Gianni De Biasit (nga 13 pikë).

“Fronin” tani e ka marrë Edoardo Reja me 18 pikë, teksa skuadra kombëtare ishte deri në fund në garë për vendin e dytë që të dërgon në “play-off”.

“Më vjen mirë që dikush kujtohet për rekordin e pikëve. Komplimente djemve”, deklaroi trajneri italian në prononcimin e dhënë për Supersport pas fitores 1-0 ndaj Andorrës.

Duke llogaritur eliminatoret e Shqipërisë nga Botërori Itali 1990 e deri tani, ia kemi dalë të grumbullojmë 73 pikë në total.supersport.al

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern