“PD e ktheu në parti komuniste” Sali Berisha nuk i ndahet Bashës: I ka borxh demokratëve

Ish-kryeministri Sali Berisha e ka cilësuar liderin e Partisë Demokratike Lulzim Basha si dështak dhe varrmihës së shpresës së shqiptarëve.

I pranishëm në Burrel sot, në një  takim në kuadër të lëvizjes “Foltorja”, ai u shpreh se Basha është shndërruar në aleat të pashpallur të narko-shtetit.

Berisha shtoi se të gjitha problemet që janë krijuar në PD vinë nga mungesa e votës.

“Nga viti 2009 deri më sot, Partia Socialiste nuk njeh votë. Emërohen ministra pa ditur asgjë, pa i njoftuar askush më parë. Edi Rama zhduku votën në parti dhe në shoqëri. Në 2021 Edi Rama përdori si kurrë më parë paratë e thesarit nga Buxheti i Shtetit, ku vetëm në 2 muaj shpërndau 130 mln euro, përdori patronazhistët dhe bandat që ushtruan terror. Po ku ishim ne?

Pasi Rama rrëmbeu votat, peng-Kryetari në vend që të mbushnim sheshet dhe të protestonin, u morr me karrigen e vet. Lulzim Basha i ke borxh demokratëve të Shqipërisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Lulzim Basha shkelmoi mbi votën, procesi i zgjedhjes ishte plotësisht i manipuluar. Na zgjodhi një Kryesi pa votë. Peng Basha që imiton Ramën, spastroi partinë dhe e çoi drejt organizimeve komuniste”, tha Berisha.