Lajm i mirë, kryhet me sukses operacioni i parë në zemër në Spitalin “Shefqet Ndroqi”

Kryhet me sukses operacioni i parë në zemër në Spitalin Universitar të “Shefqet Ndroqit”.

Lajmin e ka konfirmuar ministrja e Shëndetësisë Ogerta Manastirliu, teksa shkruan se kështu ka nisur mbarë funksionimi i qendrës së dytë të kardiologjisë të spitaleve publike.

“Është realizuar me sukses operacioni i parë në zemër në Spitalin Universitar “Shefqet Ndroqi”, duke nisur mbarë funksionimin e qendrës së dytë të kardiokirurgjisë të spitaleve publike 

  #UrimeStafitMjekësor prof. Rezar Deveja, dr. Dervish Hasi, dr. Ketjon Menkshi, dr. Saimir Kuçi, dr. Marjeta Bilaj, për kryerjen e operacionit të parë, me mbështetjen e prof. Ilir Ohri, prof. Arben Baboçi dhe prof.asc. Alma Cani” shkruan Manastirliu në postimin e saj.