LIGJET E BIZNESIT
Deputeti i PD, Ervin Salianji dhe gazetari Nikollë Lesi kanë pasur një debat të ashpër në emisionin “Open” ku po diskutohet rreth ndarjes së opozitës.
Pasi Lesi e cilësoi Berishën si “udhëheqësin shpirtëror” të PD, gjë që i duket tragjike dhe komike, u fol për protestat dhe komenti i Salianjit nxiti debat.
Deputeti përmendi një artikull të publikuar nga gazeta e drejtuar nga Lesi ku thuhet se Berisha duhet të rrëzohet me armë. Ndërsa gazetari iu përgjgij duke i thënë që duhet të ketë kujdes me fjalët pasi po flitet për protesta, jo për artikuj e gazeta.
Pjesë nga debati
Nikollë Lesi: Salianji, ju thatë që LSI ka Kryemadhin dhe Meta është president. Të gjithë e dimë që Meta është udhëheqësi shpirtëror i LSI. Edhe PD udhëheqës shpirtëror ka Sali Berishën. Është tragjike dhe komike të shohim që Saliu trazon ujin e PD. Koalicioni është i prishur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ervin Salianji: Koalicionet e partive politike nuk janë të përjetshme.
Nikollë Lesi: Kur shkon në Korçë çfarë të thonë?
Ervin Salianji: Kushdo që thotë protesta, protesta, protesta, sidomos ju që keni thënë duhet të merren armë për të rrëzuar Berishën. Nuk rrëzohet asnjë qeveri me dhunë.
Nikollë Lesi: Kujdes fjalët me mua. Ore mos ngatërro gazetën me protestë.
Ervin Salianji: Protestën që ka bërë PD dhe opozita e bashkuar gjithë këto vite nuk i ka bërë asnjë parti politike. Rama do të ikë shumë shpejt.
Nikollë Lesi: Mos u bëj militant. Nuk po akuzoj Lul Bashën./tch
