LIGJET E BIZNESIT
Këshilli Drejtues i Radio Televizionit Shqiptar ka miratuar 4 emra si kandidatura, për të qenë në krye të televizionit të vetëm publik.
Bëhet me dije se emrat e përzgjedhur janë Enkelejd Joti, Iris Luarasi, Moza Haxhiaj dhe Laureta Roshi, të cilët kanë plotësuar edhe kriteret e nevojshme për të qenë pjesë e garës.
Enkelejd Joti tanimë është në krye të QSUT-së. Një rikthim në skenën mediatike është i mundshëm, sa kohë që më parë Joti ka drejtuar Top Channel. Emri i tij është i preferuar edhe për kryeministrin Edi Rama, ndërkohë që RTSH herë pas here është akuzuar për varësi nga partia në pushtet.
Iris Luarasi, vjen nga bota e shoqërisë civile, pedagoge në Universitetin e Tiranës, në departamentin e gazetarisë dhe të komunikimit. Ajo ka qenë e fokusuar te çështjet e të drejtave të grave, dhe ka drejtuar disa OJF.
Moza Haxhaj ka mbajtur për disa vite me radhë postin e kryeredaktores në RTSH, dhe ka shprehur ambicien që të mos jetë vetëm në drejtimin e lajmeve, por në një nivel menaxherial.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Emri i katërt që i është bashkuar garës së fortë është ai i gazetares Laureta Roshi, e cila së fundmi raporton nga Fieri për RTSH-në, dhe është angazhuar në disa çështje të prekshme sociale.
Gara në RTSH ka nisur që pas arrestimit të ish-drejtorit Thoma Gëllçi, nën akuzën e korrupsionit, ndërkohë që postin e drejtuesit e mban përkohësisht Martin Leka, i pavotuar nga Kuvendi. Drejtori i RTSH zgjidhet pas votimit në Kuvend.
