Berisha dorëzon sot 4200 firma për Kuvendin Kombëtar të PD-së 

Ish-kryeministri Sali Berisha në një takim të zhvilluar një ditë më parë në Pogradec dha lajmin se ditën e sotme do të dorëzojë 4200 firma të Kuvendit Kombëtar.

Ai shtoi se në Kuvend, përveç këtyre firmave, do të vijnë edhe mbi 10 mijë demokratë dhe do të mbahet festa më e madhe e rikthimit të partisë.

“Për kryetarin kam një lajm të hidhur: nesër dorëzohen 4200 firma të Kuvendit, i them kryetarit pa parti përkulu para firmave të anëtarëve. Do të vijnë në Kuvend 10 mijë të tjerë, do të jetë festa më e madhe në parti. Do të jetë fitorja vendimtare, rroftë partia, rrofshi ju”, tha Berisha nga Pogradeci.

Ish-kreu i qeverisë Sali Berisha syon që me mbledhjen e Kuvendit Kombëtar të shkarkojë Kreun e PD, Lulzim Bashën.

Ndonëse Berisha ka mbledhur 4200 firma do të vijojë me “Folteren” ku e radhës do të jetë në Sarandë.