LIGJET E BIZNESIT
Dy shqiptarë në Milano kanë përfunduar në prangat e policisë pasi akuzohen për trafik droge. Bëhet me dije se dy të arrestuarit janë shqiptarë janë të moshës 19 dhe 28-vjeç. Ata janë kapur me një shumë të majme prej 800 mijë eurosh “cash”, që dyshohet se janë të fituara nga shitja e kokainës.
Policia ishte vënë në dijeni se një apartament në Via della Cooperation në Rozzano, përdorej nga grupe shqiptare për trafik droge. Mediat e shtetit fqinj raportojnë se dy shqiptarët janë parë në orët e vona të mbrëmjes duke kryer lëvizje të dyshimta. Fillimisht dukej se ishin bashkë teksa më pas kanë ecur larg njëri-tjetrit për 10 metra. Qëndrimi i dyshimtë i tyre bëri që policia të vihet në ndjekje. Pasi u larguan rreth 150 metra, të dy ata mbërritën në një parkim ku i priste një makinë.
Një nga dy të rinjtë iu afrua makinës, mori një tufë me para që i kishte dhënë personi që ngiste makinën, e futi nën xhaketë dhe u kthye në pallatin nga ishte larguar.
I riu tjetër, që mbante një çantë shpine mbi supe, qëndroi në parking edhe për 10 minuta të tjera, duke pritur dikë. Papritur një makinë e dytë erdhi në zonë nga e cila ka zbritur një person. Më pas, djali me çantë u fut në makinë dhe zbriti duke ikur tek ndërtesa nga kishte dalë.
Në atë moment policët e antidrogës vendosën që të ndërhynin duke vënë nën kontroll të riun. Brenda çantës së shpinës ndodhej një sasi e madhe parash. Më pas, policia zhvilloi edhe kontrolle në banesën e dy shqiptarëve ku gjetën 800 mijë euro.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
